CHAMA CHA KISIASA CHA WIFAQ CHA BAHRAIN CHENYE UPINZANI NA SERIKALI YA NCHI HIYO KIMEILALAMIKIA JAMII YAKIMATAIFA KUWASAIDIA WA BAHRAIN

Chama cha upinzani nchini Bahrain cha al Wifaq kimeitaka jamii ya kimataifa ifanye juhudi za kuzuia mateso wanayofanyiwa raia nchini humo. Al Wifaq imesema kuwa, baada ya kutokea mlipuko kwenye eneo la al Salaabas magharibi mwa mji mkuu Mnama ambapo askari polisi watatu waliuawa, askari wa utawala wa Aal Khalifa wamegeuza eneo hilo kituo cha kijeshi na kuwakamata vijana wengi wa Bahrain. Chama hicho kimeitaka jamii ya kimataifa kufanya jitihada za kukomesha ukiukwaji haki za binadamu nchini Bahrain na kueleza kuwa, askari wa utawala wa kifalme hivi sasa wanawaadhibu kwa umati wakaazi wa eneo la al Salaabas kwa kuwashambulia raia, kuvamia nyumba na kuweka sheria ya kutotoka nje.

Jumuiya ya Kitaifa ya Kidemokrasia ya Bahrain pia imelaani mashambulizi ya vikosi vya al Khalifa dhidi ya raia na kusema kuwa ni ukiukaji wa wazi wa haki za binadamu. Vituo vya kutetea haki za binadamu vya Bahrain pia vimetangaza kuwa, watawala wa nchi hiyo wanatumia vibaya askari usalama na kuzidisha siasa zao za ukandamizaji hivyo kuna udharura wa jamii ya kimataifa kukomesha suala hilo.

TOA MAONI YAKO HAPA CHINI