TAARIFA KUTOKA LIBYA ZASEMA KUWA HALI YA SASA YAKIUSALAMA BADO NI YAWASIWASI

Nchi zinazoshiriki mkutano wa kimataifa kuhusiana na Libya zimepaza sauti zao na kusema kuwa zinatiwa hofu na kuendelea ukosefu wa usalama na pia kutokuwepo mfumo wa kisiasa nchini humo. Katika mkutano huo uliofanyika mji mkuu wa Italia, Rome wawakilishi wa zaidi ya nchi 40 duniani wamesema kuwa, matatizo yanayoendelea nchini Libya yanaweza kuwa makubwa iwapo hakutopatikana suluhisho la kisiasa.

Muhammad Abdulaziz Waziri wa Mambo ya Nje wa Libya ambaye ameshiriki katika mkutano huo ameeleza matatizo mbalimbali yanayozuia kuwepo hali nzuri ya kisiasa na kiusalama nchini mwake. Amesema kuwa, Libya ilitekwa nyara kwa zaidi ya miaka 40 huku vyama vya siasa vikipigwa marufuku.

Mapigano kati ya vikosi vya serikali na makundi yenye silaha yamepelekea kukosekana amani na usalama wa kudumu nchini Libya. Makundi hayo ya wanamgambo yalikuwa na nafasi muhimu katika harakati za mapinduzi yaliyoupindua utawala wa dikteta Muamar Gaddafi mwaka 2011.

TOA MAONI YAKO HAPA CHINI