TAARIFA KUTOKA KWENYE SHIRIKA LA UMOJA WA MATAIFA LA WAKIMBIZI (UNHCR) ZASEMA KUWA WAISLAM WA NCHINI AFRICA YA KATI BADO WANAENDELEA KUUWAWA NA KUFUKUZWA

Shirika la Umoja wa Mataifa la Kuhudumia Wakimbizi UNHCR limesema kuwa, Waislamu wamefukuzwa huko magharibi mwa Jamhuri ya Afrika ya Kati na maelfu ya raia wanakabiliwa na hatari ya kuuawa. Mkuu wa UNHCR Antonio Guterres ameliambia Baraza la Usalama la Umoja wa Mataifa hapo jana kuwa, maelfu ya Waislamu wameikimbia nchi hiyo huku machafuko kati ya Waislamu na Wakristo yakiendelea. Ameongeza kuwa, wiki iliyopita pekee Waislamu 15,000 walikuwa wamezingirwa katika maeneo 18 ya magharibi mwa Jamahuri ya Afrika ya Kati.

Katika upande mwingine Ban Ki Moon Katibu Mkuu wa Umoja wa Mataifa ametaka kupelekwa wanajeshi na polisi 12,000 katika nchi hiyo ya Kiafrika ili kudhibiti hali ya mambo. Inakadiriwa kuwa, zaidi ya watu 2,000 wameuawa na zaidi ya milioni moja kukimbia makaazi yao kutokana na machafuko hayo.

TOA MAONI YAKO HAPA CHINI