HUYU NDO MCHEZAJI WA BURUNDI AMBAE AMEKUWA GHALI MNO NCHINI TANZANIA NA KWA SASA ANATAFUTWA KAMA DHAHABU

Mshambuliaji hatari kutoka nchini Burundi ambae anakipiga kwenye club ya  Simba ya nchini Tanzania,Amissi Tambwe nyota yake inazidi kung’aa baada ya timu mbili zenye majina za huko nchini Tanzania na zinazowania ubingwa wa Ligi Kuu ya nchi hiyo msimu huu,Yanga na Azam,kuulizia huduma yake kwa ajili ya msimu ujao.

Tambwe,ambae ni raia kutoka Burundi, amekuwa kwenye kiwango kizuri msimu huu tangu atue Simba akitokea Vital ‘O ya Burundi ambapo kasi yake ya kufunga mabao ndiyo chanzo kikubwa cha miamba hiyo ya soka nchini Tanzania kumnyemelea, akiwa amefunga mabao 19 katika ligi kuu.

Mtu wa karibu na mchezaji huyo ambaye ndiye amekuwa mshauri mkuu wa Tambwe, amesema kuwa Yanga na Azam FC wamevutiwa na kiwango cha straika huyo wa Burundi na tayari wameanza kufanya mchakato wa kumsajili kwa kuwa wanaona Simba haina matumaini ya kushiriki michuano ya kimataifa msimu ujao.

Habari kamili ni kuwa tayari mazungumzo ya usajili yameanza kupitia wakala wa mchezaji huyo ambaye alimpeleka nchini Tanzania kutoka nchini Burundi.

Mtu huyo amesema pamoja na michakato hiyo, bado Yanga na Azam hazijafanya mawasiliano ya moja kwa moja na Tambwe kwa kuwa bado ana mkataba na Simba.

“Yanga na Azam zote zinamtaka Tambwe kwa ajili ya msimu ujao, ile spidi yake ya kufunga ndiyo wengi wamevutiwa nayo, lakini tayari juhudi kwa ajili ya kumnasa zimeshaanza kufanyika.
“Katika siku chache zilizopita, watu kutoka Azam na Yanga walimtafuta yule wakala wake aliyempeleka Simba akitokea Burundi kwenye Vital'o, wakazungumza naye kwamba wanamtaka jamaa atue kwao na ikiwezekana msimu ujao awe tayari ameshaanza kazi,” alisema rafiki huyo na kuongeza:
“Ila tayari hizi taarifa mwenyewe Tambwe zimeshamfikia, anafahamu kwamba anahitajika na timu nyingine msimu ujao, kuna watu wake wa karibu walimtonya na kumuelezea kila kitu.”
 
Alipo tafutwa na waandishi wa habari kuhusu habari hizo Tambwe juu ya suala hilo, alisema: “Ni timu nyingi tu nimeambiwa zinanihitaji lakini kwa sasa siwezi kuzungumzia lolote kuhusu hilo, bado nipo chini ya Simba, kama kuna lolote uongozi wangu upo, nafikiri huko ndiko kunaweza kukawa na mzungumzo juu yangu kwa sasa.” 
 
Wakati huohuo, Tambwe amesema atarejea kwenye mazoezi Jumatatu.“Wiki hii napumzika kabisa, Jumatatu ndiyo nitaanza mazoezi rasmi, kidonda kimeshaanza kukauka,” alisema Tambwe.

TOA MAONI YAKO HAPA CHINI