KITENDO CHA MSIMAMIZI WA MECHI YA MANCHESTER CITY NA BARCELONA CHAKUMTWANGA KADI NYEKUNDU PABLO ZABALETA ASEMA HAKIKUMFURAHISHA

Beki wa Manchester City,Pablo Zabaleta amemtuhumu mwamuzi kutoka Ufaransa,Stephane Lannoy kwa maamuzi yake ya kushtusha dhidi yake katika mchezo waliofungwa 2-1 na Barcelona.

Raia huyo wa Argentina,alitolewa nje katika uwanja wa Nou Camp kufuatia kupewa kadi mbili za njano,huku kadi ya pili ikionyeshwa mara baada ya kumzonga Lannoy kuhoji kwanini alishindwa kutoa adhabu ya penati kufuatia Edin Dzeko kufanyiwa faulo na Gerard Pique kwenye eneo la hatari.

Barcelona pia walistahili kupewa penati halali wakati Messi alipoangeshwa katika eneo la hatari na Lescott katika kipindi cha kwanza huku wakinyimwa pia goli kwa madai walikuwa wameotea wakati marudio ya picha za video zilionyesha wazi kuwa Jordi Alba alikuwa eneo sahihi wakati akitoa klosi kwa Neymar ambaye aliukwamisha mpira wavuni.

Zabaleta alikuwa anaamini Man City walistahili kupewa penati kwa madhambi aliyofanyiwa Dzeko na anadai kuwa yupo gizani kwa kutokufahamu kwanini alitolewa nje na mwamuzi.

Huku akisisitiza,”Ilikuwa wazi sana.Nafikiri Pique alikuwa nyuma yangu na alifanya ukabaji mbaya kwa Dzeko na kumwangusha chini huku mwamuzi akiwa mita mbili kutoka mahali lilipotokea tukio hilo.”

Na kuongeza kuwa,”Sifahamu kwanini nilitolewa nje.Nilienda kwake kuongea naye kwa njia ya utaratibu kabisa.”

Pia akakiri kuwa alikuwa na hasira sana kwa mwamuzi huyo kwasababu hakuwapa penati lakini mara zote maekuwa akimuheshimu sana.

Lakini alisisitiza kuwa ameumizwa na kusikitishwa sana kwani anafikiri ulikuwa uwamuzi wa kushtusha sana.Akiongeza kuwa mara nyingine katika mchezo wanakuwa na wasiwasi na presha kwasababu wanakuwa wanajaribu kupata matokeo mazuri na maamuzi mabaya ya refa huwapa hasira sana.

Zabaleta akaongeza kuwa anahisi Man City walistahili kupewa faulo kutokana na Dzeko kufanyiwa faulo sekunde chache kabla ya Messi kufunga goli.

Mwisho akathibitisha hasira zake na masikitiko yake lakini akatoa pongezi kwa timu yake kwasababu anafikiri walicheza mpira wa kiwango cha juu sana kwani walianza mchezo vizuri na kumaliza vizuri na walikuwa na uwezo wa kufunga mwanzo na walikuwa na nafasi nyingine kadhaa.

TOA MAONI YAKO HAPA CHINI