SOMA HII TAARIFA ILIYO TANGAZWA NA WIZARA YA MAMBO YA NJE YA YEMEN KUWA WATU WAPATAO 42 WENYE ASILIA YA AFRICA WAMEFARIKI DUNIA

Wizara ya Ulinzi ya Yemen imetangaza kuwa, wahajiri 42 wa Kiafrika wanahofiwa  kupoteza maisha, baada ya boti waliyopanda kuzama kusini mwa pwani ya Yemen. Taarifa iliyotolewa na Wizara ya Ulinzi ya Yemen imeeleza kuwa, boti iliyokuwa imebeba makumi ya wahajiri wa Kiafrika ilizama karibu na pwani ya Biir Ali kusini mwa mkoa wa Shabwa. Taarifa hiyo imeeleza kuwa, kikosi cha doria ya pwani kimefanikiwa kuwaokoa wahajiri 30 na kuwapeleka kwenye kambi ya wakimbizi ya mji wa Mayfaa. Taarifa zinasema kuwa, wahajiri kutoka Somalia na Ethiopia ambao wanazikimbia nchi zao kutokana na kukithiri umasikini na mapigano, wamekuwa wakipita Yemen na kuelekea Saudi Arabia. Takwimu zilizotolewa na Shirika la Kimataifa la Wahajiri zinaeleza kuwa, karibu wahajiri elfu themanini na nne kutoka eneo la Pembe ya Afrika wamekuwa wakipita nchini Yemen na kuelekea katika nchi za Ghuba ya Uajemi na hasa Saudi Arabia kwa shabaha ya kujitafutia kazi.

TOA MAONI YAKO HAPA CHINI