HATIMAYE MIKOA YA KUSINI MWA SOMALIA YASHIKILIWA NA VIKOSI VYA AMISOM

Vikosi vya kulinda amani vya Umoja wa Afrika nchini Somalia AMISOM vimefanikiwa kukomboa maeneo mengi ya kusini magharibi mwa nchi hiyo. Viongozi wa serikali ya Somalia wamesema kuwa, vikosi vya AMISOM vikishirikiana na wanamgambo wanaofungamana na serikali ya Mogadishu vimefanikiwa kukomboa sehemu kubwa ya eneo la Bakol lililoko kusini magharibi mwa Somalia katika mpaka wa nchi hiyo na Ethiopia. Viongozi hao wameeleza kuwa, hivi karibuni askari wa kulinda amani wa AMISOM wakishirikiana na wanajeshi wa Ethiopia wamefanya operesheni ya pamoja katika eneo la Rabdhure na  kulikomboa eneo hilo kutoka mikononi mwa wanamgambo wa kundi la al Shabab. Imeelezwa kuwa, kuanzia mwaka 2011 kundi la al Shabab lilipoteza udhibiti wake katika maeneo mengi ya kusini na katikati mwa Somalia.

TOA MAONI YAKO HAPA CHINI