SOMA KILE ALICHO KISEMA KIUNGO WA BARCELONA MASCHERANO KUHUSU C.RONALDO WA REAL MADRID

Kiungo mahiri wa klabu ya Barcelona, Javier Mascherano amekiri kuwa timu hiyo itakabiliwa na kibarua kigumu kumzuia Cristiano Ronaldo wakati watakapokwaana na Real Madrid katika mchezo wa La Liga utakaochezwa kesho. Nyota huyo wa kimataifa wa Ureno amekuwa katika kiwango cha juu msimu huu wa 2013-2014 akiwa amefunga mabao 41 katika mchezo 37 alizocheza katika mashindano yote na Mascherano wachezaji wenzake kuwa hawatakiwi kumpa nafasi mshambuliaji huyo. Mascherano amesema Ronaldo ni mchezaji wa kipekee ambaye anaweza kufunga mabao mahali pasipotegemewa ndio maana anaona itakuwa vigumu kumzuia huku akitegemea nyota huyo kucheza chini ya kiwango chake. Kiungo huyo aliendelea kudai kuwa pamoja wao kumhofia Ronaldo anajua na wapinzani wao pia wanahofu kuhusu jinsi ya kumzuia Lionel Messi ambaye ameendelea kukuza kiwango chake kadri miaka inavyozidi kusonga mbele. Mchezo wa kwanza baina ya timu hizo uliochezwa katika Uwanja wa Camp Nou, Barcelona iliwaadhibu mahasimu wao hao kwa mabao 2-1.

TOA MAONI YAKO HAPA CHINI