RATIBA YA CHAMPIONS LEAGUE: MAN UNITED YAANGUKIA MIKONONI MWA BAYERN.

Mabingwa watetezi wa Ligi Kuu nchini Uingereza, Manchester United wamepangwa kucheza kucheza mabingwa watetezi wa michuano Klabu Bingwa barani Ulaya Bayern Munich katika hatua ya robo fainali kwenye ratiba iliyopangwa muda mfupi uliopita. Kwa upande mwingine mabingwa wa La Liga Barcelona wao wamepangwa kucheza Wahispania wenzao Atletico Madrid wakati mahasimu wao Real Madrid wenyewe watapepetana na Wajerumani Borussia Dortmund. Vijana wa Chelsea wanaonolewa na Jose Mourinho wataonyesha kazi na matajiri wa Ufaransa timu ya Paris Saint Germain. Mechi za mkondo wa kwanza za robo fainali zinatarajiwa kuchezwa Aprili Mosi na 2 huku mechi za marudiano zikitarajiwa kuchezwa April 8 na 9 mwaka huu. Ratiba kwa ajili ya nusu fainali ya michuano hiyo inatarajiwa kupangwa Aprili 11 wakati fainali ya michuano hiyo ikitarajiwa kuchezwa huko Estadio da Luz Mei 24 mwaka huu.

TOA MAONI YAKO HAPA CHINI