CHAMA TAWALA CHA KISIASA CHA NCHINI AFRICA YA KUSINI (A.N.C) CHAMKINGIA KIFUWA RAIS WA NCHI HIYO J.ZUMA

Chama tawala cha African National Congress (ANC) kilisisitiza wikendi kuwa Rais Jacob Zuma hakutumia pesa za Serikali kujenga jumba lake la kibinafsi.

“Bado tunashikilia kuwa Rais hakuiba pesa zozote,” msemaji wa ANC Jackson Mthembu alisema.

Mthembu alikuwa akizungumza baada ya ANC kuruhusiwa na Mahakama Kuu Johannesburg kukata rufaa dhidi ya uamuzi kuhusu ujumbe mfupi uliotumwa na wakili wa kiserikali kumshutumu Bw Zuma kwa kuiba pesa za umma wakati Serikali ilipoimarisha usalama katika nyumba yake ya kibinafsi iliyo Nkandla, mkoa wa Kwa Zulu-Natal.

Mnamo Machi 19, kiongozi wa mashtaka ya umma Thuli Mandondela alitoa ripoti ya uchunguzi kuhusu madai ya ufujaji kuhusiana na nyumba ya Zuma.

TOA MAONI YAKO HAPA CHINI