HUYU NDIE MCHEZAJI AMBAE INAWEZEKANA MUDA WOWOTE AKATUWA OLD TRAFFORD

Timu ya Manchester United inakaribia kumfanya mchezaji nyota chipukizi wa kimataifa wa Uingereza Luke Shaw mwenye thamani ya paundi milioni 30 kuwa mchezaji wao wa kwanza kusajili katika majira ya kiangazi. United imekuwa ikipambana na Chelsea kumgombea kinda huyo mwenye umri wa miaka 18 anayecheza nafasi ya beki wa kushoto.

Meneja wa United David Moyes amekuwa akihofia Chelsea wanaweza kushinda mbio hizo kutokana na kinda huyo kuihusudu timu hiyo toka akiwa mdogo na alikuwa akisoma shule yao ya vipaji wakati akiwa na umri wa miaka nane. Hata hivyo, Shaw mwenyewe anaonekana anaweza kuvutiwa na United timu ambayo imehakikishia nafasi ya kucheza katika kikosi cha kwanza. United wana zaidi ya paundi milioni 100 kwa ajili ya usajili majira ya kiangazi na wako tayari kutumia fedha nyingi kumsajili Shaw ili aweze kuziba nafasi ya Patrice Evra ambaye anaweza kuondoka mwishoni mwa msimu huu.

TOA MAONI YAKO HAPA CHINI