MAGAIDI WA SYRIA WAPEWA SILAHA KUBWAKUBWA NA UTURUKI

Shirika la kijasusi la Uturuki (MIT) limewapatia makombora dhidi ya vifaru wapiganaji wanaoendesha mapigano dhidi ya serikali ya Rais Bashar al Assad wa Syria. Uturuki imetoa makombora hayo dhidi ya vifaru yaliyotengenezwa nchini Marekani kwa magaidi hao wa Syria wanaoungwa mkono na nchi za kigeni. Gazeti la Aydinlik linalochapishwa nchini Uturuki limeeleza kwenye ripoti yake kuwa, Salim Idris kamanda wa jeshi linalojulikana kwa jina la Free Syrian Army (FSA) ndiye aliyekuwa na nafasi kuu katika kufanikisha upelekaji wa makombora hayo kutoka Uturuki na kuwafikia magaidi huko Syria.

Salim Idris

Ripoti ya gazeti la Aydinlik imeongeza kuwa, magaidi wasiopungua 12 wamepewa mafunzo huko Uturuki ya jinsi ya kutumia silaha hizo. Uamuzi huo wa kuyahamisha makombora hayo dhidi ya vifaru kutoka Uturuki hadi nchini Syria ulichukuliwa baada ya kufanyika mazungumzo mwaka jana kati ya Idris kamanda wa Free Syrian Army (FSA) na Seneta wa chama cha Republican John McCain.

TOA MAONI YAKO HAPA CHINI