MDOGO WAO WA P-SQUARES AVISHWA PETE YA UCHUMBA NA MCHUMBA WAKE

Wiki mbili zilizopita kulikuwa na habari za matatizo/ugomvi mkubwa katika familia ya wasanii wa Nigeria wanaunda kundi la P-Square, Peter na Paul. Lakini wiki iliyoipita ilikuwa wiki ya faraja na furaha kwa familia hiyo ambapo matukio ya uchumba yalifunika kombe.

Baada ya Jude Okoye, kaka mkubwa wa P-Square ambaye pia ni manager wao kumvisha pete ya uchumba mpenzi wake Ifeoma Michelle Umeokeke April 24, mwishoni mwa wiki iliyopita mdogo wao wa kike, Mary Okoye pia alivishwa pete ya uchumba.
Mary Okoye alivishwa pete ya uchumba na mpenzi wake wa muda mrefu ambaye ni muigizaji wa Nollywood, Emma Emordi.
Familia hiyo inayoundwa na ndugu wenye vipaji sasa inaelekea kuwa familia ya wana ndoa.
Mwezi March, Paul Okoye alifunga pingu za maisha na mama mtoto wake Anita Isamah na hivyo kuijiunga na jamii ya wanandoa aliyokuwepo pacha wake Peter na mkewe Lola.

TOA MAONI YAKO HAPA CHINI