MPAKA MWANASOKA FRANCK RIBERY KUAMUWA KUBADILI DINI ILITOKANA NA PENZI LA HUYU MWANAMAMA

 

PENZI la lina nguvu sana usisikie. Kwa binti wa Kialgeria, mrembo Wahiba, Franck Ribery hakuwa na ujanja na hatimaye alikubali kubadili dini na kuwa Mwislamu.

Mrembo huyo ndiye alichochea Ribery kubadili dini na jina lake la Kiislamu anaitwa Bilal Yusuf Mohammad.

Hayo ni maisha yake. Kwenye soka, mahali ambapo wengi wanamfahamu Ribery, staa huyo ni hatari. Mkongwe wa soka nchini Ufaransa ambaye kwa sasa ni Kocha Msaidizi wa Real Madrid, Zinedine Zidane, aliwahi kumtaja Ribery kuwa ni dhahabu ya soka la Ufaransa.

Soka ndicho kitu kilichomfanya Ribery kuwa maarufu na umahiri wake wa uwanjani umemfanya kuwa mmoja ya wanasoka wanaolipwa vizuri duniani.

Winga huyo wa Bayern Munich na timu ya taifa ya Ufaransa, aliyezaliwa Aprili 7, 1983, anatajwa kuwa na kipato kinachokadiriwa kuwa Dola 40 milioni.

Jinsi alivyopiga pesa

Chanzo kikubwa cha kipato cha Ribery kinatokana na soka. Ribery anavuna mshahara wa nguvu klabuni Bayern Munich. Mwaka jana, staa huyo aliripotiwa kupanda mshahara kwa Euro 7 milioni kwa mwaka kutoka Euro 3.75 milioni.

Hilo lilikuwa ongezeko kubwa la mshahara ambapo kabla ya kodi alidaiwa kupokea Euro 10 milioni. Taarifa nyingine zilibainisha kuwa mshahara wa Ribery ulikuwa Pauni 8.5 milioni kwa mwaka sawa na Pauni 164,000 kwa wiki.

Hata hivyo, vyovyote itakavyokuwa bado kiwango hicho cha pesa anazopokea staa huyo ni kikubwa.

Ukiweka kando kupiga pesa kwa kupitia mishahara, Ribery pia amekuwa na dili nyingine za mikataba ya udhamini ambayo imekuwa ikimpa manufaa makubwa pia. Baadhi ya kampuni zinazomdhamini staa huyo ni Nike na EA Sports.

Ribery pia anapiga pesa kupitia kipindi chake cha televisheni nchini Ufaransa kinachofahamika kwa jina la ‘The Franck Ribery Show’  ambacho kimekuwa kikivutia wadhamini wengi.

Kipindi hicho cha televisheni kinaonyeshwa kupitia kituo cha Direct 8 na kilikuwa kikidhaminiwa na Nike.

Mei 2010, bango lenye picha ya Ribery lenye ukubwa wa futi 89 kwa 98 liliwekwa kwenye mji wa Boulogne-sur-Mer alikozaliwa staa huyo na alikuwa akilipwa pesa. Hiyo ilikuwa kabla ya fainali za Kombe la Dunia za mwaka 2010.

Maisha binafsi na ndoa

Ribery, utotoni mwake alikumbana na matatizo mengi. Akiwa na umri wa miaka miwili tu, yeye na familia yake walipata ajali katika mji wa nyumbani kwao baada ya magari kugongana. Ribery alitokea dirishani na kwenda kuangukia uso ambapo alipata jeraha kubwa usoni.

Pamoja na kupata pesa ambazo angeweza kufanya upasuaji na kuondoa kovu lililopo usoni mwake, lakini Ribery ametaka kovu hilo libaki kama lilivyo kwa sababu mwenyewe anaamini linampa nguvu na hasira ya kupambana na maisha.

Ribery ambaye anavaa kiatu namba 42, ameoana na mrembo mwenye asili ya Algeria na kufanikiwa kuzaa naye watoto watatu, wa kike wawili; Hizya alizaliwa 2005, Shaninez alizaliwa Januari 2008 na wa kiume Seif, aliyezaliwa Septemba 2011.

Ribery aliwahi kukumbwa na kashfa ya ngono baada ya kudaiwa kufanya ngono na binti mwenye umri mdogo, Zahia Dehar, ambaye alikuwa akijihusisha na ukahaba.

Kutokana na kuvuna pesa nyingi, Ribery na familia yake wamekuwa wakiishi kwenye majumba yenye hadhi kubwa na kutembelea magari ya kifahari akifurahia matunda ya kazi yake nzuri uwanjani.

Ribery amekuwa akifahamika kwa majina ya utani ya ‘The Magician’, ‘Ferraribery’, ‘Scarface’ na ‘Flagada’.

TOA MAONI YAKO HAPA CHINI