NAHODHA WA LIVERPOOL S.GERRARD AWACHANA MANCHESTER CITY

Nahodha wa Liverpool,Steven Gerrard alisema kuwa ushindi mzuri dhidi ya Manchester City ni salamu kama timu katika kujiandaa kuwakumbuka waathirika wote wa Hillsborough pamoja na familia zao.

Kiungo huyo naye alikuwa akimkumbuka binamu yake,Jon-Paul Gilhooley aliyekuwa na umri wa miaka 10 ambaye ndiye alikuwa kijana mdogo zaidi kati ya watu 96 waliopoteza maisha yao katika janga lililotokea uwanjani pale Sheffield.

Gerrard aliweza kumwaga machozi mara baada ya ushindi wa goli 3-2 Jumapili ambao uliweza kuipa matumaini makubwa Liverpool kutwaa ubingwa wa ligi kuu ya Uingereza.

Jana ililikuwa ni miaka 25 ya kuwaenzi mahanga hao na Gerrard alikuwa katika sehemu ya kuwakumbuka waathirika hao pale Anfield.

Huku akisema,”Sababu iliyonipa mguso mkubwa ilikuwa kwasababu jinsi mchezo dhidi ya Man City ulivyokuwa na hisia.”

“Haikuwa tu sababu ulikuwa mchezo mkubwa katika msimu wetu,ilikuwa sababu wiki hii mara zote ni kuhusu kitu zaidi soka kwa kila mmoja ambaye anahusika na Liverpool.Ni mguso mkubwa kwa watu wengi.”
Gerrard akaongeza kuwa,”Naongea kwa uhuru wa kila mmoja pale naposema ushindi ulikuwa salamu kwa waathirika wa Hillsborough pamoja na familia zao.”
“Kila mchezaji atakuwepo katika maadhimisho hayo kuonyesha na kulipa heshima kama tunavyotakiwa kuwa.”

Raia huyo wa Uingereza alikiri kuwa aliwaambia wachezaji wenzake umuhimu wa siku hiyo na jinsi wanavyopaswa kuonyesha heshima kubwa kwa familia za waathirika hao.
Brendan Rogders alikuwepo katika hafla hiyo na alipewa nafasi ya kusoma lisala ndefu mbele ya halaiki ya watu wote walioudhuria.

Raia huyo wa Ireland,alisema kuwa anajisikia faraja sana kupewa nafasi hiyo na kampeni ya familia zao imekuwa ikimgusa sana na mara kwa mara amekuwa akiwatembelea ndugu wa waathirika hao tangu amekuwa meneja wa Liverpool.

TOA MAONI YAKO HAPA CHINI