HIZI NDIZO HISTORIA ZINAZO AMBATANA NA SIKU KAMA YA LEO JUMATANO YA MAY 28 MWAKA 2014

 

Siku kama ya leo miaka 16 iliyopita, inayosadifiana na tarehe 28 Mei 1998, kwa mara ya kwanza Pakistan ilianza kufanya majaribio matano ya makombora ya nyuklia. Majaribio hayo yalifanyika zikiwa zimepita wiki mbili tu, tokea mahasimu wao yaani India kufanya majaribio yao ya kombora la nyuklia. Baada ya hapo nchi hizo mbili zilikuwa zikipokezana katika kufanya majaribio yao ya makombora ya nyuklia. Amma cha kushangaza ni kuwa, majaribio ya nyuklia ya Pakistan yamekuwa yakizikasirisha mno nchi za Magharibi za Marekani na Ulaya, na kufikia hatua ya kuiwekea nchi hiyo vikwazo vya kiuchumi.

        ---------------------------------------------------------------------------------------------

Siku kama ya leo miaka 74 iliyopita inayosadifiana na tarehe 28 Mei 1940, Ubelgiji ambayo ilitangaza kutoegemea upande wowote mwanzoni mwa Vita Vikuu vya Pili vya Dunia, ilitekwa na majeshi ya Kinazi ya Ujerumani. Majeshi ya Ubelgiji ambayo yalikuwa yakipata usaidizi wa Uingereza, yalisimamisha vita kutokana na amri ya Mfalme Leopold wa Tatu, licha ya kusimama kidete kwa muda wa siku 18 dhidi ya majeshi ya Kinazi ya Ujerumani. Hatua hiyo ya mfalme Leopold, iliwakasirisha mno wananchi wa Ubelgiji na kuandaa mazingira ya kuondolewa kwake madarakani mwaka 1951.

         --------------------------------------------------------------------------------------------

Na Siku kama ya leo miaka 98 iliyopita, inayosadiana na tarahe 28 Rajab 1337 Hijria, alifariki dunia Ayatullahil Udhma Muhammad Kadhim Tabatabai Yazdi maarufu kwa jina la Allamah Yazdi, msomi mashuhuri wa Kiirani. Allamah Yazdi alijipatia elimu yake ya kidini ndani na huko Najaf nchini Iraq, kutoka kwa maulamaa kadhaa mashuhuri akiwemo Mirzai Shirazi na hatimaye kufikia daraja ya Ijtihad. Msomi huyo aliandika vitabu vingi, kikiwemo kitabu cha 'al U'rwatul Wuthqa.

TOA MAONI YAKO HAPA CHINI