JE,HAYA AMBAYO YANA AMBATANA NA SIKU KAMA YA LEO ULIKUWA UNA YAFAHAMU?BASI YASOME HAPA...

Siku kama ya leo miaka 98 iliyopita makubaliano ya kihistoria ya Sykes-Picot yalitiwa saini na wawakilishi wa Uingereza, Ufaransa na Urusi ya zamani. Hata hivyo Umoja wa Kisovieti baadaye ulijitoa kwenye makubaliano hayo baada ya mapinduzi ya Bolshevik. Serikali za Uingereza na Ufaransa ziligawana nchi za Kiarabu zilizokuwa chini ya mamlaka ya utawala wa Kiothmania, kwa mujibu wa makubaliano hayo. Kwa msingi huo Iraq na Jordan zikawa chini ya udhibiti wa Uingereza huku Syria na Lebanon zikitawaliwa na Ufaransa.

 ***************************************************************

Miaka 361 iliyopita katika siku kama hii ya leo kazi ya kujenga jengo la Taj Mahal ambalo linahesabiwa kuwa miongoni mwa majengo ya kuvutia zaidi duniani na moja kati ya mifano bora zaidi ya usanifu majengo wa Kiislamu huko India ilimalizika baada ya miaka 22. Ujenzi wa jengo la Taj Mahal ulianza baada ya kufariki dunia mke wa Shah Jahan, mfalme wa Kimogholi wa India huko katika jimbo la Agra. Jengo hilo lilijengwa kwa kutegemea ramani iliyochorwa na msanifu majengo mashuhuri wa Iran, Issa Isfahani.

Kwa upande wa nje, jengo la Taj Mahal limenakshiwa kwa ustadi kwa rangi mbalimbali huku kuta zake zikiwa zimeandikwa maandishi ya Kiarabu yenye aya za Qur'ani Tukufu. Ndani ya jengo hilo kuna makaburi mawili ya mfalme Shah Jahan na mkewe, Nur Jahan.

***************************************************************

Na tarehe 9 Rajab mwaka 963 Hijria alifariki dunia Izzuddin Sayyid Hussein ambaye alikuwa miongoni mwa maulamaa wakubwa wa karne ya 10 wa Kiislamu. Alizaliwa mwaka 906 Hijria katika kijiji kimoja cha Jabal Amil nchini Lebanon na kupata elimu katika eneo hilo. Izzuddin Sayyid Hussein alifikia daraja za juu za kielimu ya kiirfani. Mwanazuoni huyo wa Kiislamu alifariki dunia katika siku kama hii ya leo kwa kupewa sumu katika mji wa Saida (Sidon).  

TOA MAONI YAKO HAPA CHINI