WATU ZADI YA 90 KUTOKA NCHINI KENYA WAMEFARIKI DUNIA BAADA YAKUNYWA POMBE AMBAYO ILIKUWA NDANIMO SUMU

Mwenyekiti wa Halmashauri ya Kupambana na Mihadarati nchini Kenya (NACADA), Bw. John Mututho, amesema idadi ya watu waliopoteza maisha kutokana na unywaji wa pombe yenye sumu wamepindukia 90. Akizungumza na idhaa hii kwa njia ya simu, Mututho amesema watu wengine zaidi ya 200 wamelazwa hospitalini kutokana na kunywa pombe hiyo. Mkuu huyo wa Nakada amesema hatua kali zitachukuliwa kwa waliotengeneza, kusambaza na kuuza pombe hiyo yenye sumu ambayo imesababisha maafa katika kaunti 6 za nchini Kenya.

Huku hayo yakijiri, Waziri wa Usalama wa Ndani wa Kenya ametangaza kuwafuta kazi maafisa 52 wa serikali kutokana na tukio hilo. Joseph Ole Lenku amesema waliofutwa kazi ni pamoja na maafisa waandamizi katika jeshi la polisi, Afisa Mkuu Mtendaji wa NACADA na mwenzake wa kitengo cha kutathmini ubora wa bidhaa (ACA) pamoja na maafisa katika Mamlaka ya Ushuru.  

TOA MAONI YAKO HAPA CHINI