JE,UMEPATA TIME YA KUSOMA HISTORIA ZINAZO AMBATANA NA SIKU KA YA LEO?

Siku kama ya leo miaka 196 iliyopita, alizaliwa Karl Heinrich Marx mwanafalsafa wa Kijerumani na mwasisi wa nadharia ya Umaksi. Karl Marx awali alianza kusomea taaluma ya sheria na baadaye historia na falsafa. Mwanafalsafa huyo wa Kijerumani kwa muda fulani alikuwa mkuu wa jarida moja na mwaka 1848 alishirikiana na mwanafalsafa mwenzake wa Kijerumani na kubainisha imani, maoni na mitazamo yake katika kitabu walichokiandika na kukipa jina la "Manifesto ya Ukomonisti." Miaka miwili baadaye Marx alibaidishwa kutokana na kujishughulisha na harakati za kisiasa na hadi mwishoni mwa maisha yake makazi yake yalikuwa nchini Uingereza.

  ************************************************************ 

Siku kama ya leo miaka 193 iliyopita, alifariki dunia Napoleon Bonaparte mfalme aliyekuwa na nguvu wa Ufaransa, akiwa uhamishoni. Napoleon alizaliwa mwaka 1769 Miladia na kuchukua madaraka makubwa ya uongozi baada ya mapinduzi ya Ufaransa mwaka 1789, ambapo aliifanya nchi hiyo ishinde vita na nchi nyingi za Ulaya. Baada ya kuwa mfalme wa Ufaransa Napeleon Bonaparte aligeuka kuwa mtawala aliyependa kujitanua na kuzivamia nchi nyinginezo katika nukta tofauti duniani. Kwa ajili hiyo katika kipindi cha utawala wake alipigana vita kadhaa na nchi nyingine na kukalia kwa mabavu maeneo mengi ya bara Ulaya.

  ************************************************************

Na miaka 1191 iliyopita mwafaka na leo, aliuawa shahidi na mmoja wa watawala wa Bani Abbas, Abu Yusuf Yaqub ibn Is'haq maarufu kwa jina la Ibnu Sikkit msomi wa Kiislamu na mtaalamu mkubwa wa lugha. Alizaliwa katika mji wa Khuzestan unaopatikana kusini magharibi mwa Iran. Alielekea mjini Baghdad na familia yake na kusoma kwa walimu wakubwa wa zama hizo. Umaarufu wa Ibnu Sikkit katika elimu ulimpelekea Mutawakil mmoja wa watawala wa Abbasia kumualika kwa lengo la kuwafundisha watoto wake. Kwa kuwa Ibnu Sikkit alikuwa na mapenzi makubwa kwa Watu wa Nyumba ya Mtume (SAW), jambo hilo lilimkasirisha sana Mutawakkil na kuchukua hatua ya kumuua. Miongoni mwa athari za msomi huyu ni kitabu kiitwacho "Islahul Mantik."

TOA MAONI YAKO HAPA CHINI