MUUNGANO WA VYAMA VYA KISIASA WA C.O.R.D KUTOKA NCHINI KENYA WAANZA KUYUMBA YUMBAA.

Muungano wa upinzani wa CORD nchini Kenya unakabiliwa na hatari ya kusambaratika baada baadhi ya vyama tanzu kuanza kujiondoa kwenye muungano huo. Chama cha 'The Independent' (TIP) kimetangaza kujiondoa kwenye muungano huo kwa madai kwamba viongozi wa muungano huo wanatumia mabavu kuongoza. Kiongozi wa TIP, Kalembe Ndile, ametangaza kuwa, hakuna uwazi katika muungano huo akidai kuwa unaongozwa na viongozi walafi na wasiokuwa waaminifu.

Bw Ndile amesema ingawaje chama hicho kiliufanyia kampeni muungano huo katika uchaguzi mkuu uliopita, hakikupata ufadhili wowote baada ya muungano wa CORD kupata sehemu yake ya fedha kutoka kwa hazina kwa ajili ya vyama vya siasa. Kiongozi huyo wa TIP amesemna wanatafuta vyama vingine vyenye fikra na mitazamo sawa waunde muungano huku akiongeza kuwa viongozi waliopo serikalini na upinzani wana mawazo sawa ambayo hayawezi kuleta mabadiliko wanayotafuta Wakenya.

TOA MAONI YAKO HAPA CHINI