SOMA HIZI HISTORIA ZINAZO AMBATANA NA SIKU KAMA YA LEO

Siku kama ya leo miaka 126 iliyopita, mwafaka na tarehe 7 Mei 1888 Miladia, serikali ya kikoloni ya Uingereza ilianzisha uvamizi katika ardhi ya Zimbabwe ya sasa. Mipango ya kuikalia kwa mabavu Zimbabwe ilibuniwa na mwanasiasa na mfanyabiashara aliyejulikana kwa jina la Cecile Rhodes, ambaye aliasisi shirika la Afrika Kusini la Kiingereza nchini humo. Kwa kusaidiwa na jeshi la Uingereza, Rhodes aliuwa kwa umati maelfu ya raia wazalendo na kuwakamata mateka wengine wengi, na hivyo kuweza kuidhibiti ardhi yote ya Zimbabwe na kuipachika jina lake la Rhodesia.

    ***********************************************************

Miaka 206 iliyopita katika siku kama ya leo wananchi wa Uhispania walianzisha harakati dhidi ya vikosi vya jeshi la Mfalme Napoleon wa Ufaransa, vilivyokuwa vinakalia kwa mabavu nchi yao. Wakati huo Uhispania pia ilikuwa ikihesabiwa kuwa miongoni mwa wakoloni wakubwa wa Ulaya na ilikuwa ikikalia kwa mabavu ardhi nyingi nje ya bara hilo. Baada ya miaka mitano ya mapambano dhidi ya vikosi vamizi vya Ufaransa, wananchi wa Uhispania walifanikiwa kuvifukuza vikosi hivyo mwezi Disemba mwaka 1813 kutoka nchini kwao.

   ***********************************************************

Na siku kama ya leo miaka 1130 iliyopita alizaliwa Ibn Tarara mpokezi wa hadithi na mwandishi wa Kiislamu huko Iraq. Msomi huyo wa Kiislamu aliandika vitabu vingi katika uwanja wa fiqhi. Hata hivyo hakuna hata kitabu kimoja miongoni mwa hivyo kilichobakia hadi hii leo. Vilevile aliandika vitabu katika taaluma ya fasihi ya lugha ya Kiarabu kikiwemo kile alichokiita "al Jalisu al Saleh".

TOA MAONI YAKO HAPA CHINI