UN KUISADIA LIBYA KWENYE HATUWA ZA UREJESHAJI WA DEMOKRASIA

Mjumbe maalum wa Umoja wa Afrika nchini Libya, Mundhir al-Raski amesema kuwa, umoja huo utaunga mkono mikakati yote ya kuirudisha nchi hiyo ya Kaskazini mwa Afrika kwenye mkondo wa demokrasia. Al-Raski amesema Umoja wa Afrika umekuwa nyuma ya wananchi wa Libya tangu baada ya mapinduzi yao dhidi ya Muammar Gaddafi mwaka 2011. Mwanadiplomasia huyo ameongeza kuwa, Umoja wa Afrika unasisitiza udharura wa kudhibitiwa silaha zilizotapakaa huko Libya ili kutoa fursa ya kuimarishwa amani na utulivu. Mjumbe huyo maalum wa AU nchini Libya amesema nchi za barani Afrika zitashirikiana na taasisi za kimataifa kama vile Umoja wa Mataifa, Benki Kuu ya Dunia na Umoja wa Ulaya kuhakikisha kwamba Libya inarudi katika hali yake ya kawaida na demokrasia inachukua tena nafasi yake.

TOA MAONI YAKO HAPA CHINI