SUAREZ APEWA NYINGINE TUZO YA MCHEZAJI BORA NA WAANDISHI WA HABARI WA MICHEZO

Mshambuliaji nyota wa Liverpool, Luis Suarez ametajwa kuwa Mchezaji bora wa Mwaka wa Chama cha Waandishi wa Habari za Michezo nchini Uingereza. Nyota huyo wa kimataifa wa Uruguay mwenye umri wa miaka 27 amefunga mabao 30 msimu huu katika Ligi Kuu na kuiwezesha timu yake kufukuzia taji la ubingwa toka walipofanya hivyo mwaka 1990.

Katika kura zilizopigwa na waandishi hao Suarez alipata asimilia 52 akiwafuatiwa na mchezaji mwenzake Steven Gerrard huku Yaya Toure wa Manchester City akishika nafasi ya tatu. Suarez ambaye pia alitajwa kama mchezaji bora na Chama cha wachezaji wa Kulipwa nchini humo anatarajiwa kupokea zawadi yake hiyo katika sherehe za chakula cha usiku zitakazofanyika jijini London Mei 15. TOA MAONI YAKO HAPA CHINI