SOMA KILE ALICHO KISEMA RAIS WA NIGERIA KUHUSIANA NA SWALA USALAMA NCHI MWAKE

Rais Goodluck Jonathan wa Nigeria amekiri kwamba serikali ya Abuja haina uwezo wa kudhamini usalama wa wananchi wa nchi hiyo. Rais Jonathan amesisitiza kuwa, hivi sasa Nigeria inahitajia msaada kutoka mataifa ya kigeni kwa lengo la kurejesha amani na utulivu nchini humo. Amesisitiza kuwa, serikali ya Abuja inafanya mipango ya kuwepo  mashirikiano  ya kiusalama na nchi rafiki  kama vile China, Ufaransa, Uingereza na Marekani. Wizara ya Ulinzi ya Nigeria imetangaza kuwatia mbaroni watu wanane wanaoshukiwa kwa vitendo vya ugaidi. Mara baada ya kujiri milipuko miwili ya mabomu katika kipindi cha wiki tatu zilizopita na kusababisha watu wasiopungua 100 kuuawa, Rais Goodluck Jonathan ametoa amri ya kufungwa shule na ofisi zote za serikali mjini Abuja kuanzia tarehe 7 hadi 9 za mwezi huu, wakati wa kufanyika mkutano wa Jukwaa la Kimataifa la Kiuchumi kuhusiana na Afrika.

TOA MAONI YAKO HAPA CHINI