WAZIRI MKUU WA CHINA AKANA UVUMI WAKUWA NCHI YAKE INAO MPANGO WAKULIKOLINI BARA LA AFRICA

Li Keqiang Waziri Mkuu wa China amesema kuwa, Peking haina nia ya kuyakoloni mataifa ya Afrika. Akizungumza na waandishi wa habari jana kabla ya kuanza safari ya kuelekea katika nchi nne za Kiafrika, Li Keqiang ameongeza kuwa, lengo kuu la safari yake ni kuongeza kiwango cha ubadilishanaji biashara kati ya China na nchi za Kiafrika. Keqiang ameyataka mashirika yanayowekeza barani Afrika kuheshimu na kutekeleza sheria za nchi walizoko sanjari na kuunga mkono maslahi ya nchi hizo. Waziri Mkuu wa China amesema kuwa kiwango cha ubadilishanaji biashara kati ya China na nchi za Kiafrika ulifikia kiwango cha dola bilioni 200, na kusisitiza kwamba kiwango hicho kinapasa kunyanyuliwa zaidi kwani bado kiko chini. Waziri Mkuu wa China amesema kuwa, nchi hiyo inafanya juhudi ya kuitisha mikutano mbalimbali na nchi za Kiafrika kwa lengo la kuondoa migogoro iliyoko barani humo.Waziri Mkuu wa China ameianza safari yake kwa kuitembelea Ethiopia kisha ataelekea Nigeria, Angola na siku ya Ijumaa anatarajiwa kuwasili Nairobi mji mkuu wa Kenya.

TOA MAONI YAKO HAPA CHINI