SOMA KILE KILICHO ANDIKWA KWENYE RIPOTI YA SHIRIKA LA MSAMAHA DUNIANI LA AMNESTY ILIYO TOLEWA LEO KUHUSIANA NA SUDAN KUSINI.

Shirika la Msamaha Duniani Amnesty International limesema kuwa, vikosi vya serikali na waasi wa Sudan Kusini wanafanya ukatili wa kutisha dhidi ya binadamu.  Katika ripoti yake iliyotolewa leo, shirika hilo la kutetea haki za binadamu limesema, askari watiifu kwa Rais Salva Kiir na wanamgambo watiifu kwa Riek Machar wanawalenga raia kwa makusudi katika vijiji na miji na hata maeneo ya Umoja wa Mataifa.

Michele Kaari Naibu Mkurugenzi wa Amnesty International barani Afrika amesema kuwa, pande zote hizo mbili zimekiuka sheria nyingi za kimataifa za haki za binadamu na utu. Shirika hilo limesema kuwa, wachunguzi wake mwezi Machi waligundua makumi ya makaburi ya umati yakiwemo matatu katika mji wa Bor kaskazini mwa Sudan Kusini.

Hata hivyo msemaji wa jeshi la Sudan Kusini Philip Anguer amesema kuwa vikosi vya serikali vimekuwa vikifuata sheria ipasavyo na kwamba yeyote atakayetenda jinai atatiwa mbaroni.

TOA MAONI YAKO HAPA CHINI