USHINDI WA JANA WA THE GUNNERS UMEWASOGEZA PAZURI

Klabu ya Arsenal imerudi kwenye mbio za ubingwa wa Ligi Kuu ya England kufuatia ushindi wa bao 1-0 jioni ya jana dhidi ya West Brom kwenye Uwanja wa Emirates,jijini London.

Na kwa kipigo cha Everton juzi kutoka kwa Manchester City, The Gunners tayari wamejihakikishia kucheza kucheza hatua ya makundi ya Ligi ya Mabingwa Ulaya msimu ujao.

Olivier Giroud alifunga bao hilo pekee dakika ya 14 likiwa la 22 msimu huu, Arsenal ikiibuka na mabadiliko makubwa katika kikosi cha kwanza kutoka kile kilichofungwa na Newcastle Jumatatu, Mathieu Flamini akichukua nafasi ya Aaron Ramsey, ambaye alipumzishwa kwa sababu majeruhi.

Arsenal sasa inatimiza pointi 76 baada ya kucheza mechi 37 na inaendelea kubaki nafasi ya nne nyuma ya Chelsea yenye pointi 79 za mechi 37, Manchester City pointi 80 za mechi 36 na Liverpool pointi 80 za mechi 36 pia.

TOA MAONI YAKO HAPA CHINI