HIZI NDIZO HISTORIA ZINAZO AMBATANA NA SIKU KAMA YA LEO YA JUNI 2 MWAKA WA 2014

Siku kama ya leo miaka 1409 iliyopita yaani tarehe 4 Shaaban mwaka 26 Hijria, alizaliwa Abbas bin Ali bin Abi Talib mashuhuri kwa lakabu ya Abul Fadhl. Mama yake ni Ummul Baniina, ambaye aliolewa na Imam Ali (A.S) baada ya kufariki dunia bibi Fatima Zahra AS. Abbas alifahamika mno kutokana na elimu, ukweli na uchaji Mungu wake. Kutabahari kwake kielimu kuliwafanya watu wengi kumrejea kwa ajili ya kutatuliwa masiala mbalimbali ya kielimu.

-----------------------------------------------------------------------------

 

Miaka 14 iliyopita katika siku kama ya leo,sawa na tarehe 12 Khordad mwaka 1379 Hijiria Shamsia, aliuawa Hujjatul Islam Sayyid Ali Akbar Abuturabi, mwanzuoni mwenye mwamko na mwanaharakati wa Iran katika ajali ya gari pamoja na baba yake Ayatullah Sayyid Abbas Abuturabi. Hujjatul Islam Sayyid Ali Akbar Abuturabi alizaliwa mwaka 1318, kwa mujibu wa kalenda ya Iran, katika mji wa kidini wa Qum. Alijifunza elimu ya dini kutoka kwa maulamama wakubwa akiwemo Imam Khomeini (M.A). Hujjatul Islam Abuturabi katika mapambano ya kabla ya Mapinduzi ya Kiislamu mara kadhaa alikamatwa na kuteswa na vibaraka wa Shah. Wakati vya vita vya Iran na Iraq mwaka 1359 alikamatwa mateka na askari wa utawala wa Baath wa Iraq na kufungwa kwa miaka 10 katika jela zenye mateso makali za Iraq. Lakini alivumilia kiasi cha kuwa mashuhuri miongoni mwa mateka wa Iran kwenye jela hizo. Alipoachiliwa huru aliteuliwa kuwa mwakilishi wa Kiongozi Muadhamu wa Mapinduzi ya Kiislamu katika masuala ya mateka na walioachiliwa huru.

-------------------------------------------------------------------------------

Na miaka 132 iliyopita kama leo, alifariki dunia Giuseppe Garibaldi kamanda mzalendo na kiongozi wa harakati ya kuleta umoja wa Italia. Giuseppe alizaliwa mwaka 180 na wakati wa ujana wake alifanya kazi mbalimbali na mwishowe kujiunga na jeshi. Baadaye alichaguliwa kuwa kamanda wa wanaharakati wa kupigania uhuru wa Italia na alifanya jitihada nyingi za kuleta umoja nchini humo. Kwa ajili hiyo alijulikana katika historia ya Italia kama shujaa wa taifa.

TOA MAONI YAKO HAPA CHINI