HUKU AKIJIANDAA KWENYE MPAMBANO WA LEO,MCHEZAJI CHRISTIANO RONALDO AMEPIGWA CHINI KWENYE KINYANGANYIRO CHA MWANAMICHEZO ANAE LIPWA PESA NYINGI ZAIDI DUNIANI.

Mchezaji mahiri wa Real Madrid mreno Cristiano Ronaldo, ana siku mbili za kupiga tizi la maana kabla ya kuiongoza Ureno kwenye mchezo wao wa kwanza wa Kombe la Dunia dhidi ya Ujerumani utakaopigwa hii leo Jumatatu saa 12:00 usiku yani (18h) majira ya Bujumbura.

Lakini, wakati staa huyo wa Real Madrid akijipanga asiangukie pua uwanjani, mambo yamekwenda kombo nje ya uwanja baada ya kuzidiwa na bondia Floyd Mayweather Jr kwenye kinyang’anyiro cha mwanamichezo anayelipwa pesa nyingi zaidi duniani.

Mayweather, ambaye ni bondia mwenye hadhi kubwa kwenye mchezo huo wa ngumi, ametajwa kuwa kinara kwenye takwimu za Jarida la Forbes na hivyo kumporomosha Ronaldo, ambaye akili yake yote kwa sasa ipo kwenye kujenga hadhi yake katika Kombe la Dunia baada ya kushuhudia Neymar akitengeneza heshima juzi Alhamisi.

Kwenye ligi ya mwanamichezo anayelipwa pesa nyingi, Mayweather anamiliki utajiri wa Dola 105 milioni, wakati Ronaldo utajiri wake ni Dola 80 milioni.

Kwenye orodha ya wanamichezo watano wanaolipwa pesa nyingi inawahusisha pia wakali LeBron James, Lionel Messi na Kobe Bryant.

TOA MAONI YAKO HAPA CHINI