BAADA YA CHAMELEONE NA WIZZLE KUMALIZIKA TAFAUTI ZAO SASA BIFU JINGINE LAZUKA LA WIZZLE TENA NA MDOGO WAO AITWAE PALLASO.

Pallaso ambaye ni mwimbaji pia aliyekuwa anafanya kazi chini ya label ya Chameleone Leone Island ameeiambia Ugandaonline kuwa siku moja kabla ya Weasel kusherehekea birthday yake (June 13) waliingia katika ugomvi mkubwa nyumbani kwa Weasel.
Ameeleza kuwa Weasel aligeuka mbogo baada ya kutofautiana na ndipo alipotaka kumvamia akitaka kumshambulia lakini rafiki yake Moze Radio aliyekuwa karibu nao aliweza kumzuia.
Akieleza kuhusu kilichosababisha Weasel ajikate kidoleni, Pallaso amedai jamaa alipiga ngumi computer yake wakati akijaribu kuharibu mali zake zote zilizokuwa ndani ya nyumba yake.
“Picha inayoonesha kilichotokea kwenye kidole cha Weasel ni baada ya kuharibu kila kitu nachomiliki kwenye nyumba yake halafu akapiga ngumi computer yangu na kubomoa screen ambayo ilikata kidole chake.”

Pallaso amelalamika kuwa kabla hajaanza kufanya vizuri kwenye muziki mambo yalikuwa shwari lakini baada ya kuanza kufanya muziki kwa nguvu wameanza kuwa maadui kwa kuhofia ushindani.
Ametolea mfano wa ugomvi uliokuwepo kati ya Chameleone na Weasel awali lakini mambo yakaisha baadae na Chameleone kumsifu Weasel alipotajwa kuwania tuzo za BET kwa hiyo na yeye anaamini yatakwisha atakapofanikiwa kama kaka zake.

TOA MAONI YAKO HAPA CHINI