SERIKALI YA MISRI YAONESHA MOYO WA HURUMA KWA WAZIRI WA ZAMANI KWA KUMFUTIA KESI YA UFISAD.I ILIYO KUWA INAMKABILI

Habib al-Adly

Mahakama moja nchini Misri imemfutia mashtaka ya ufisadi Waziri wa zamani wa Mambo ya Ndani ya nchi hiyo. Miaka mitatu iliyopita, Habib al-Adly alikuwa amehukumiwa kifungo cha miaka 12 jela baada ya kupatikana na hatia ya wizi wa mali ya umma, utumiaji mbaya wa madaraka yake pamoja na vitendo vingine vya ufisadi. Hata hivyo, Waziri huyo wa zamani ataendelea kubakia jela kwani bado kuna makosa kadhaa yanayomkabili.
Habib Al-Adly alikuwa Waziri wa Mambo ya Ndani kwa zaidi ya miaka 10 chini ya dikteta wa zamani wa Misri, Hosni Mubarak aliyepinduliwa na wananchi mwaka 2011.
Wafuatiliaji wa siasa za Misri wanasema kufutiwa mashtaka maafisa wa zamani wa ngazi za juu katika serikali ya Hosni Mubarak ni ishara kwamba utawala huo wa kiimla unaanza kuinuka na kupata nguvu taratibu. Hosni Mubarak anaendelea kushikiliwa na vyombo vya usalama huku kesi yake ikiendelea na wachambuzi wengi wanasema yumkini kesi yake ikaisha kwa kuhukumiwa kifungo kifupi gerezani kutokana na kubadilika mawimbi ya kisiasa nchini Misri.

TOA MAONI YAKO HAPA CHINI