SIRI YA FICHUKAA KUMBE HUYU NI MMOJA MWA WACHEZAJII AMBAO WANACHUKILIWA SAANA HUKO BRAZIL KISA ETI NI WASALITI.

Raia wa Brazil wamemsamehe Eduardo da Silva, Mbrazili ambaye jana  alitazamiwa kuwa katika kikosi cha Croatia kilichocheza na timu yao  jijini Sao Paolo.
Lakini mbaya wao ameendelea kuwa Diego Costa wa  Hispania.

Raia wa hapa wanahoji kitendo cha Costa kukubali kucheza taifa jingine  wakati angeweza kupata nafasi Brazil, wanaona ni usaliti kama ule  ambao Yuda Eskarioti alimfanyia Yesu. Wanaamini kuwa ni vigumu kwa  Eduardo kucheza timu ya taifa ya Brazil, lakini wanaiona nafasi ya Costa  kucheza Brazil.

Hapa Diego akivaliya jezi ya Uhispania

Kocha wa Brazil, Luiz Fillipe Scolari, aliwahi kumtamkia Costa kwamba  angeweza kupata namba kikosini kama Fred angeumia, lakini Costa  inadaiwa kuwa alikasirishwa na kitendo hicho.

Baadaye pia ilidaiwa kuwa Scolari alikuwa anamtaka Costa kwa  kuwasiliana na baadhi ya wapambe wa klabu yake ya Atletico Madrid,  lakini kocha wa Hispania, Vicent del Bosque alimpigia simu Costa  mwenyewe na hivyo mchezaji akajiona amethaminiwa zaidi.

Hata hivyo, Scolari na raia wengi wa Brazil niliongea nao katika  mazungumzo ya baa na katika kahawa wanahoji uhalali wa Costa kuchezea Hispania dhidi ya Brazil tena katika ardhi ya Brazil.

“Costa ni Yuda. Mbrazil kucheza Hispania wakati hatuna washambuliaji? Costa ni Yuda. Nasema ni Yuda. Nadhani amepewa pesa nyingi.”

Anasema Dlamini Sergio, kijana muuza jezi na bidhaa nyingine za timu ya taifa ya Brazil zilizo katika duka moja la huko Brazil.

Lakini inadaiwa kuwa mama yake Costa, pamoja na wazazi wake  Eduardo wameapa kuwashangilia watoto wao katika jezi zao za timu ya taifa wanazochezea, hata kama wakicheza na Brazil.Yuda mwingine anayezungumzwa sana katika mitaa ya Sao Paulo ni  kiungo Thiago Motta wa Italia. Katika mechi ya kirafiki iliyowahi kufanyika kati ya Italia na Brazil inadaiwa kuwa Motta alikuwa  anazomewa kila akigusa mpira.Nilipowachunguza Wabrazili nimegundua kwamba wana tatizo moja  dogo tu. Kama wanaamini kuwa hauna nafasi ya kucheza katika kikosi  cha timu yao ya taifa huwa hawakuoni adui kama ukichagua kucheza  taifa jingine.

Lakini kama ungeweza kupata namba katika kikosi chao lakini  ukachagua kucheza taifa jingine kama ilivyo kwa Costa na Motta, basi  unaonekana kuwa adui namba moja wa taifa lao.

TOA MAONI YAKO HAPA CHINI