HIVI NDIVYO SUAREZ ALIVYO WAKIMBIA WAANDISHI WA HABARI ILI WASIJE WAKAMKUZIA MENGINE HUKO BARCELONA.

Hatimae mshambuliaji kutoka nchini Uruguay, Luis Alberto Suarez Diaz, amewasili mjini Barcelona tayari kwa kuanza makazi mapya.
Suarez, amewasili mjini humo, baada taratibu za uhamisho wake akitokea Liverpool FC kukamilishwa na viongozi wa FC Barcelona tangu juma lililopita.
Hata hivyo kuwasili kwa mshambuliaji huyo mwenye umri wa miaka 27, kulifanywa siri na viongozi wa FC Barcelona kwa kuhofia sakata la adhabu inayomkabili Suarez, ambayo halimruhusu kuhusika na suala lolote linaloambatana na mchezo wa soka.
Picha za video na mapaparazi, mara baada ya kuwasili zinamuonyesha mshambuliaji huyo akishuka kwenye gari haraka haraka na kuingia ndani na kisha familia yake yenye watoto wawili Delfina na Benjamin ilifuatia.
Luis Suarez aliwasili jijini Barcelona akiwa na wakala wake Pere Guardiola, ambaye ni ndugu wa meneja wa klabu ya FC Bayern Munich Pep.

TOA MAONI YAKO HAPA CHINI