MAUAJI YANAYO ENDELEA KUJITOKEZA KWENYE UKANDA WA GAZA NAKUTEKELEZWA NA ISRAEL SERIKALI YA IRAN IMEYALAANI KWA VIKALI.

Msemaji wa Wizara ya Mambo ya Nje ya Iran Bi Marzieh Afkam amelaani mashambulizi makubwa ya Israe katika Ukanda wa Ghaza. Bi Marzieh Afkam amesema utawala wa Kizayuni umekuwa ukiendesha mashambulizi ya anga dhidi ya wakazi wa Ukanda wa Ghaza tangu wiki mbili zilizopita kwa kisingizio cha kutekwa nyara vijana watatu walowezi wa Kiyahudi. Msemaji wa Wizara ya Mambo ya Nje ya Iran ameongeza kuwa, kuuliwa kikatili na Wazayuni kijana wa Kipalestina hivi karibuni huko Quds ya Mashariki kunakumbusha hujuma zinazoendelea kufanywa na magaidi huko Syria na Iraq na kwamba kunaonyesha namna utawala wa Kizayuni usivyoweza kukabiliana na muqawama wa wananchi wa Palestina.

Bi Marzieh Afkam amesifu muqawama wa raia wa Palestina wa Ukanda wa Ghaza dhidi ya mashambulizi ya Israel na kuzitolewa wito nchi za Kiarabu na Kiislamu na pia taasisi na makundi ya kutetea haki za binadamu kuwaunga mkono Wapalestina dhidi ya mauaji na jinai za utawala wa Kizayuni.

TOA MAONI YAKO HAPA CHINI