AI yakosoa kuondolewa kwa nguvu wakimbizi Somalia

Shirika la Msamaha Duniani Amnesty International limekosoa hatua ya kuondolewa kwa nguvu makumi ya maelfu ya watu wanaotafuta hifadhi kutoka katika kambi za mji mkuu wa Somalia, Mogadishu. Amnesty imesema kuwa, hatua hiyo imesababisha vitendo vya ukiukaji mkubwa wa haki za binadamu vikiwemo vya mauaji na ubakaji. Karibu Wasomali 370,000 wamekuwa wakiishi makambini mjini Mogadishu kutokana na ukame, njaa na mapigano. Hata hivyo serikali ya Somalia hivi karibuni ilianza mpango wa kuwahamishia wakimbizi hao wa ndani katika kambi zilizoko nje ya Mogadishu suala ambalo limepingwa na wakimbizi hao na kuleta mtafaruku mkubwa.

Amnesty International imesema kuwa, mpango huo ungeweza kuwa na mafanikio makubwa iwapo wakati wa kuhamishwa watu hao yangeheshimiwa pia mahitaji yao, haki zao na usalama wao.

TOA MAONI YAKO HAPA CHINI