RAIS WA CLUB YA REAL MADRID AELEZA WAZI PESA ALIZO WAGHARIMU BALE

RAIS wa klabu ya Real Madrid, Florentino Perez amebainisha kuwa Gareth Bale aliwagharimu kiasi cha euro milioni 91, na kuthibitisha kuwa walimuwekea bima nyota huyo wa kimataifa wa Wales kutokana na thamani yake ya uhamisho. Akitupiwa swali katika mahojiano na luninga ya Interconomia ya Hispania kama nyota huyo amekatiwa bima endapo atalazimika kukatisha soka lake ghafla kutokana na tatizo lolote Perez alikubali kwamba ni kweli wamefanya hivyo. Perez amesema wamekata bima ya maisha dhidi ya ajali kwakuwa ni wazi sera za bima huwa zinalipa kama mchezaji atapata atafariki au kupata matatizo ambayo yatakatiza soka lake. Sio Madrid au Tottenham Hotspurs klabu ya zamani ya Bale walioweka wazi kiasi halisi alichonunuliwa nyota huyo hivyo kufanya vyombo vya habari kukisia kuwa alinunuliwa kwa zaidi euro milioni 100. Lakini kwa kiasi alichotaja Perez hiyo inamaanisha kuwa mshambuliaji nyota wa Madrid Cristiano Ronaldo bado anabakiwa kuwa mchezaji dhali zaidi kwa kuigharimu klabu hiyo euro milioni 94 wakati akitokea Manchester United mwaka 2009.

TOA MAONI YAKO HAPA CHINI