KIMBUNGA KIKALI KIJULIKANACHO KAMA SUPER TYPHOON HAYAN HIVI NDIVYO KILIVYO ICHAPA UFILIPINO

Kimbunga kikali kiitwacho “Super typhoon Hayan” kinachokadiriwa kuwa kibaya zaidi kuwahi kushuhudiwa kimeanza kuipiga Ufilipino kikiwa kimeandamana na upepo mkali unaovuma kwa kasi ya karibu kilomita 300 kwa saa na kusababisha mawimbi ya bahari kwenda juu urefu wa mita 15 katika maeneo ya pwani.

 
Wataalam wa hali ya hewa wanasema iwapo makadirio ya mwanzo yaliyozingatia picha za satelaiti yatakuwa hivyo basi kimbunga hicho kitakuwa kikubwa kuliko vyote kuwahi kutokea katika nchi hiyo ambako shule na maofisi vimefungwa kuepuka madhara huku maelfu ya watu wakihamishwa kutoka maeneo yanayohofiwa kukumbwa na kimbunga hicho.

.

Eneo lililokumbwa na kimbunga Hayan lilikuwa linarejea katika hali yake ya kawaida baada ya kupigwa na tetemeko la ardhi mwezi uliopita ambapo Idara ya Utabiri wa Hali ya Hewa nchini Ufilipino imesema madhara makubwa ya kimbunga hicho yameshuhudiwa umbali wa kilomita 62 kusini mashariki mwa mji wa Guiuan katika jimbo la Samar lililopo mashariki mwa Ufilipino.

TOA MAONI YAKO HAPA CHINI