NAPO MUONA VAN PERSIE NDANI YA JEZI LA MAN-UTD INANIUMA SAANA:Wenger

Meneja wa Arsenal,Arsene Wenger amekiri kuwa huwa anakuwa katika hali ya tofauti sana pindi anapomuona Robin Van Persie akiwa na jezi tofauti na ya klabu hiyo ya washika bunduki.

Wenger atakutana na mshambuliaji huyo raia wa Uholanzi katika mchezo wa Ligi Kuu ya Uingereza dhidi ya Manchester United Jumapili pale Old Trafford.

Ingawa ni zaidi ya mwaka mmoja tangu amuuze nyota huyo kwa Sir Alex Ferguson kwa kiasi cha pauni milioni 24,mfaransa huyo alidai kuwa huwa anakuwa katika wakati mgumu wakati akimuona mshambuliaji huyo akiwa na jezi ya Man United.

Van Persie katika msimu wake wa kwanza Old Trafford aliweza kushinda taji lake la kwanza la Ligi Kuu ya Uingereza ikiwa ni miaka nane tangu apelekwe England na Wenger aliyemnunua kutoka Feyenoord.

Wenger aliongeza kuwa ni kazi kubwa kwani kwangu mimi namuona ni mtu wa Arsenal,huku akisema kuwa alimchukua pindi akiwa mchezaji mdogo sana na wamepitia vipindi vingi vigumu na nyota huyo mpaka leo hii amekuja kuwa mchezaji wa kiwango cha dunia hivyo kwake anadhani ni mchezaji halisi wa Arsenal.

TOA MAONI YAKO HAPA CHINI