BAADO NCHI YA ISRALE INAZIDISHA NJAMA DHIDI YA MSIKITI WA AL AQSA

Taasisi ya Al Aqsa imeonya kuhusu njama zinazoendelea kufanywa na utawala wa Kizayuni wa Israel dhidi ya Msikiti wa Al Aqsa.

Kwa mujibu wa taarifa iliyotolewa jana Jumatano na Taasisi ya Waqfu na Turathi ya Al Aqsa, utawala wa Israel, bunge la utawala huo Knesset pamoja na vibaraka wao, kila siku wanazidisha njama za kuuharibu Msikiti wa Al Aqsa.

Taarifa hiyo imesema Msikiti wa Al Aqsa ambao ni qibla cha kwanza cha Waislamu unapasa kutumiwa na Waislamu tu. Taarifa hiyo imesema kuwa Bunge la Israel, Knesset, siku ya Jumanne liliitisha kikao maalumu kuhusu uendeshaji wa Idara ya Waqfu wa Kiislamu, Baitul Muqaddas. Utawala wa Kizayuni wa Israel tokea uikalie kwa mabavu Baitul Muqaddas umekuwa ukichimbua maeneo yaliyoko karibu na Msikiti wa Al Aqsa kwa lengo la kuuharibu kabisa msikiti huo.

TOA MAONI YAKO HAPA CHINI