MZEE FERGUSON AONEKANA KWENYE BENCHI LA WACHEZAJI WA MAN UTD KWENYE MECHI ZIDI YA HULL CITY

KOCHA Mkuu wa zamani wa Manchester United, Sir Alex Ferguson,  juzi Alhamisi alikuwa kivutio kwenye Uwanja wa KC wakati wa mchezo wa Ligi Kuu England dhidi ya Hull City kwa kukaa kwenye benchi la wachezaji wa akiba huku akiwa ametinga sare za timu hiyo.

Benchini hapo, Ferguson alikuwa amevaa koti na tai zenye nembo ya klabu ya Manchester United na kuketi sambamba na wachezaji wa akiba akiwamo winga Wilfied Zaha.

Kwenye mchezo huo, Manchester United iliduwazwa kwa mabao mawili ya haraka, lakini uwepo wa Ferguson uliwatoa hofu wachezaji na kocha wao, David Moyes na hivyo kupambana na kuibuka na ushindi wa mabao 3-2 uliowafanya kupanda kwa nafasi moja kwenye msimamo kutoka ya nane hadi namba saba.

Baada ya mabao hayo ya Hull City yaliyofungwa na James Chester na David Meyler, presha ilionekana kuwa kubwa kwa kocha mpya, Moyes hasa ukizingatia mtangulizi wake alikuwa kwenye benchi, lakini mabao ya Chris Smalling, Wayne Rooney yalinusuru mambo kabla ya Chester kujifunga na kuifanya Manchester United kuzidi kufufua ndoto za kutetea ubingwa.

Miamba hayo wa Old Trafford wanashika nafasi ya saba kwenye msimamo, pointi nane nyuma ya vinara Arsenal wanaoongoza na pointi zao 39.

TOA MAONI YAKO HAPA CHINI