DEFENDA MKAIDI WA MAN CITY VINCENT COMPANY AMSIFIA MSHAMBULIAJI WA VITUKO SUAREZ

BEKI wa kati wa Manchester City, Vincent Kompany, amesema kama kuna jambo alilolipenda ndani ya uwanja kwenye mechi dhidi ya Liverpool ni usumbufu wa straika, Luis Suarez.

Kompany alikuwa na shughuli pevu ya kumtuliza straika huyo kinara wa mabao kwenye Ligi Kuu England wakati Manchester City ilipomenyana na Liverpool juzi Alhamisi.

Mchezo huo ulimalizika kwa Manchester City kuichapa Liverpool mabao 2-1 na kuwashusha kileleni mwa msimu wa ligi hiyo, huku vijana hao wa Manuel Pellegrini wakiendelea kufurahia rekodi nzuri kwenye uwanja wao wa nyumbani, Etihad.

Lakini, kitendo cha kupambana na fowadi hatari na anayetumia ujanja sana anapokuwa uwanjani kimemfurahisha Kompany, ambaye pia ni nahodha wa Manchester City.

“Nilipenda kila sekunde niliyopambana na Suarez. Ni straika mjanja sana na ilikuwa safi kukabiliana naye,” alisema Kompany.

“Baada ya mechi tulishikana mikono na aliikubali vita yetu nami  niliikubali pia. Tumeshinda, ila ilikuwa mechi ngumu sana.”

TOA MAONI YAKO HAPA CHINI