MAMILIONI YA WATU WADAIWA KUWA NA MAISHA MAGUMU NCHINI UINGEREZA

Uchunguzi mpya unaonyesha kuwa, jumla ya watu milioni 18 nchini Uingereza wanaishi kwa wasi wasi mkubwa kutokana na kipato duni cha fedha. Kwa mujibu wa uchunguzi huo uliofanywa na Shirika linalojihusisha na viwango vya ununuzi wa bidhaa muhimu MoneySupermarket.com, imeelezwa kuwa masuala ya kipato dunia cha fedha ni miongoni mwa mambo ambayo yamekuwa yakiwatia wasi wasi mkubwa raia wengi wa Uingereza sanjari na kuathiri pia usalama nchini humo. Ripoti hiyo imeeleza kuwa, jumla ya asilimia 52 ya watu walioshirikishwa katika uchunguzi huo, walisema kuwa, kwa muda mrefu au hatua kwa hatua wamekuwa wakikabiliwa na hali ngumu ya kifedha na kwamba wanawake ndio waathirika zaidi kuhusiana na tatizo hilo. Uchunguzi huo pia umebaini kuwa, asilimia 19 ya watu wazima nchini Uingereza wanafahamu kuwa, hali mbaya ya uchumi unaoikabili nchi hiyo hivi sasa ndio chanzo cha mfadhaiko wa moyo na wahka vinavyo wakabili watu wengi nchinio. Mbali na hapo asilimia 75 ya washiriki wa uchunguzi huo, wamesema kuwa hali mbaya ya kipato cha fedha itashadidi zaidi katika mwaka ujao wa 2014.

TOA MAONI YAKO HAPA CHINI