BADO VYOMBO VYA USALAMA VYAENDELEA NA UCHUNGUZI WAKUMTAFUTA MTU ALIE MTUPIA SARAFU SUAREZ

POLISI wa Merseyside, Liverpool wamethibitisha kwamba wanafanya uchunguzi kumpata mtu aliyemrushia sarafu straika, Luis Suarez wakati wa mchezo wa Ligi Kuu England uliofanyika Anfield juzi Jumanne usiku.

Liverpool ilimenyana na Everton katika mchezo wa mahasimu wakubwa Ligi Kuu England na wenyeji kuibuka na ushindi wa mabao 4-0.

Staa wa Liverpool, Suarez alidaiwa kulengwa kwenye shambulio lililofanywa na mashabiki wa Everton wakati alipokwenda kupiga kona ndipo aliporushiwa sarafu ambayo baadaye alimpata mwamuzi Martin Atkinson.

Taarifa ya polisi kutoka Merseyside ilibainisha: “Tunaweza kuthibitisha kwa sasa tunafanya uchunguzi kupata mtu aliyehusika na tukio hilo. Tukio lenyewe lilitokea kipindi cha kwanza baada ya sarafu kurushwa uwanjani na vitu vingine vyenye kuumiza.

“Maofisa wa polisi watatumia kamera za CCTV za uwanjani hapo kumpata mhusika au wahusika waliotenda tukio hilo.”

Kwenye mchezo huo, mabao ya Liverpool yalifungwa na Suarez, Steven Gerrard na Daniel Sturridge, aliyefunga mara mbili.

TOA MAONI YAKO HAPA CHINI