BW.AL SADIK AMBAE NI NAIBU WAZIRI MKUU WA LIBYA AMENUSURIKA KIFO MJINI TRIPOLI

Naibu Waziri Mkuu wa Libya amenusurika jaribio la kutaka kumuua katika mji mkuu Tripoli.

Jeshi la usalama likikaguwa magari barabarani

Al Sidik Abdul Karim alishambuliwa na watu wasiojulikana hapo jana akiwa ndani ya gari, shambulio linalodhihirisha vurugu na machafuko yanayoendelea kushuhudiwa nchini humo. Mwanzoni mwa mwezi huu pia  Naibu Waziri wa Viwanda wa Libya Hassan al Droui alishambuliwa na kuuawa katika mji wa Sirte.

Tangu dikteta Muammar Gaddafi ang'olewe madarakani mwaka 2011, serikali ya Libya imeshindwa kudhibiti makundi ya wanamgambo ambao walishiriki kumpindua Gaddafi, huku silaha zikizagaa ovyo mikononi mwa raia.

TOA MAONI YAKO HAPA CHINI