HATIMAYE MATOKEO YA KURA YA MAONI NCHINI MISRI YATANGAZWA

Msemaji wa Wizara ya Mambo ya Ndani ya Misri ametangaza kuwa, zaidi ya asilimia 55 ya Wamisri waliotimiza masharti ya kupiga kura walishiri katika kura ya maoni ya katiba mpya na pengine asilimia 95 kati yao wamepiga kura ya ndio.
Katika hali ambayo duru za habari zimejiepusha kutangaza kiwango cha ushiriki wa wananchi kwenye zoezi hilo, maafisa wa Cairo wamedai kuwa matokeo ya awali ya kura hiyo ya maoni yanaonesha kuwa, kiasi kikubwa cha watu walishiriki kupiga kura. Matokeo rasmi ya kura ya maoni ya katiba mpya ya Misri iliyosusiwa na wapinzani na makundi mengine ya kimapinduzi yanatarajiwa kutangaza siku ya Jumapili.

Zoezi hilo lilifanyika kwa siku mbili mtawalia na kumalizika  jana Jumatano huku kukishuhudiwa ukandamizaji wa waandamanaji waliokuwa wakimuunga mkono rais halali aliyechaguliwa na wananchi na kupinduliwa na jeshi Muhammad Musri. Watu 11 waliuawa na wengine 450 kutiwa mbaroni wengi wao wakiwa wafuasi wa harakati ya Ikhwanul Muslimin.

TOA MAONI YAKO HAPA CHINI