KAMA ULIKUWA HAUFAHAMU BASI HIZI NDO HISTORIA ZA SIKU KAMA YA LEO MYAKA KADHAA ILIYOPITA

Siku kama ya leo miaka 35 iliyopita, inayosadifiana na tarehe Pili Bahman 1357 Hijria Shamsia, watu kadhaa waliuawa na kujeruhiwa, baada ya kujitokeza mapigano ya barabarani kati ya wananchi wa Iran na vikosi vya utawala wa Kifalme nchini humo. Wananchi Waislamu wa Iran walikuwa kwenye maandalizi ya kumpokea Imam Khomeini MA. Wananchi wa matabaka mbalimbali kutoka mijini na vijijini walikuja mjini Tehran kwa shabaha ya kumlaki Imam Khomeini MA akitokea uhamishoni nchini Ufaransa. Wakati harakati hiyo ya wananchi ikiendelea, maafisa wasiopungua elfu nne wa jeshi la anga, walionyesha uungaji mkono wao kwa wananchi, na kutangaza mgomo wa kula chakula, sanjari na kutaka kufukuzwa washauri wa Kimarekani waliokuwepo nchini humo.

Tarehe 22 Januari miaka 453 iliyopita alizaliwa mwanafalsafa na mtaalamu wa hesabati wa Uingereza Francis Bacon. Awali Bacon alijishughulisha na masuala ya kisiasa na baadaye alifungwa jela kwa tuhuma ya kula rushwa.

Kipindi cha kufungwa jela kilikuwa fursa mwafaka kwa Francis Bacon kudhihirisha kipawa chake. Mwanafalsafa huyo alitoa mchango mkubwa katika kueneza Sayansi jarabati nchini Uingereza na kuhuisha sayansi na falsafa barani Ulaya. Bacon ameandika vitabu kadhaa kikiwemo kile cha New Atlantis.

Na miaka 985 iliyopita alifariki dunia Abu Tayyib Tabari, faqihi na mwandishi wa Kiislamu huko Baghdad. Abu Tayyib alizaliwa mwaka 348 Hijria huko Amul, moja kati ya miji ya kaskazini mwa Iran. Tabari alifanya safari katika nchi mbalimbali kwa lengo la kutafuta elimu. Abu Tayyib Tabari aliishi na kufundisha huko Baghdad ambapo alikuwa miongoni mwa maulamaa wakubwa za zama zake hizo. Faqihi Tabari alikuwa hodari katika taaluma ya fasihi na utunzi wa mashairi. Msomi huyo mkubwa wa Kiislamu aliandika vitabu mbalimbali na moja kati ya hivyo ni vile alivyoviita "Jawab fi Sama'a" na "al Ghinaa wa Al Taaliqatil Kubra fil Furu'u".

TOA MAONI YAKO HAPA CHINI