MANCHESTER UNITED YATUMIA SIASA YAKUMPA UNAHODHA WAYNE RONNEY IKIWA NI NJIA MOJA WAPO YAKUTAKA ABAKI OLD TRAFFORD

MANCHESTER United imesema inajiandaa na ipo tayari kumpa unahodha straika, Wayne Rooney ikiwa ni katika  jitihada za kumshawishi mshambuliaji huyo abaki Old Trafford.

Mabosi wa Man United wamegundua ujanja huo unaweza kumshawishi Rooney na kusaini mkataba mpya wa kubaki kwenye kikosi hicho baada ya sasa kuanza mazungumzo hayo.

Kitu kingine itakachofanya klabu hiyo ni kuhakikisha inampatia Rooney taarifa zote za mipango ya kukijenga upya kikosi hicho ikiwamo usajili wa wachezaji mastaa wa kuifanya timu kubwa bora zaidi.

Ripoti zinabainisha kwamba Man United imemtengea ofa nono Rooney ya mkataba wa miaka minne na nusu utakaoshuhudia akilipwa mshahara wa Pauni 300,000 kwa wiki pamoja na kumkabidhi kitambaa cha unahodha.

Katika kuhakikisha ushawishi wao unafanikiwa, mabingwa hao wa England tayari wamefanya kwa vitendo baada ya kuvunja benki na kumnasa staa wa Chelsea, Juan Mata kwa uhamisho wa Pauni 37.1 milioni.

Staa huyo Mwingereza pia ameweka bayana kuhusu mipango ya kocha David Moyes ambaye atafanya usajili wa kutisha mwishoni mwa msimu ili kuifanya Manchester United kuwa timu ya hatari.

TOA MAONI YAKO HAPA CHINI