MPANGO WA KUBADILISHANA WACHEZAJI KATI YA ROONEY NA MATA WAONEKANA KUANZA KUIVA KIMYA KIMYA

DILI la kubadilisha wachezaji Wayne Rooney wa Manchester United na Juan Mata wa Chelsea linaonekana bado lipo baada ya kubainika kuwa Man United imetoa ofa ya kutaka kumchukua Mata katika dirisha hili la Januari.

Inadaiwa kuwa kocha David Moyes anamtaka Mata katika dirisha hili la Januari, huku kocha wa Chelsea, Jose Mourinho akiwa anaeleweka kwa tamaa yake ya kutaka kumnasa Rooney kwa muda mrefu sasa.

Hata hivyo inadaiwa kuwa Chelsea wanaweza kumchukua Rooney katika dirisha la Januari na si wakati huu ambapo Man United inamtegemea sana katika mbio za kusaka kuingia Top Four.

Mourinho yuko tayari kuongeza kiasi cha Pauni 20 milioni katika uhamisho huo kwa ajili ya kumpata Rooney, licha ya ukweli kwamba staa huyo atakuwa amebakiza miezi 12 tu kumaliza mkataba wake Old Trafford.

Wakati Mata akiwa ameruhusiwa kuondoka Stamford Bridge baada ya kudorora kwa uhusiano wake na Mourinho, Rooney amegoma kusaini mkataba mpya Man United huku yeye na wawakilishi wake wakifikiria kuwa muda wa mchezaji huyo kuwa Old Trafford umepita.

Habari za ndani zinadai kwamba Mourinho pamoja na kutokuwa tayari kuona Mata akikipiga katika klabu za England lakini huenda akawa tayari na kulegeza msimamo wake huo kama suala la kumpata Rooney linaweza kufanikiwa.

TOA MAONI YAKO HAPA CHINI