RIO FERDINAND BADO ANAMSHAWISHI C.RONALDO KURUDI OLD TRAFFORD

BEKI wa Manchester United, Rio Ferdinand, amekiri kuwa katika dirisha lililopita la usajili, alikuwa anampigia simu kila siku staa wa Real Madrid, Cristiano Ronaldo, kumuuliza uwezekano wa kurudi nyumbani Old Trafford.

Ronaldo alisaini mkataba mpya wa miaka mitano na Real Madrid huku kocha David Moyes akisema kuwa angetamani kumfundisha staa huyo wa zamani wa Manchester United. Lakini Ferdinand alienda mbali kwa kudai alijaribu kumshawishi arudi.

“Alikuwa mmoja wa watu niliowapigia sana simu wakati ule. Lakini nadhani nafasi hiyo imeondoka kwa sasa. Kama kuna kipindi ambacho tungeweza kufanikiwa basi nadhani kilikuwa kipindi kile. Amesaini mkataba mpya sasa na Real,” alisema Ferdinand.

Ronaldo aliuzwa kwenda Real Madrid kutoka Manchester United mwaka 2009 kwa uhamisho uliogharimu kiasi cha Pauni 80 milioni ambao ulivunja rekodi zote za uhamisho duniani wakati huo.

TOA MAONI YAKO HAPA CHINI