SWALA LA MIMI KUHAMIA MAN-UTD KWA KWELI LIMENIPA MSHANGAO,ILA NAWASHKURU VIONGOZI WA CHELSEA:MATA

STAA mpya wa Manchester United, Juan Mata amekiri kushangazwa sana kwa kitendo cha Chelsea kumruhusu ahamie Old Trafford.

Nyota huyo wa kimataifa wa Hispania alikamilisha uhamisho wa Pauni 37.1 milioni juzi Jumamosi na anaweza kuanza kuichezea timu hiyo dhidi ya Cardiff City kwenye Ligi Kuu England kesho Jumanne.

Mata alisema:  “Kusema ukweli nilishangaa sana. Lakini, ninachoweza kusema nawashukuru Chelsea, mmiliki wake na kila mtu kwenye klabu ile.

“Walikuwa watu muhimu sana kwangu. Lakini nafasi ya kuja Manchester United ilikuwa muhimu sana kwangu hasa katika kuendeleza soka langu na kwamba nimejiunga na klabu nyingine kubwa.”

Usajili wa Mata umevunja rekodi ya Manchester United ya Pauni 30.75 milioni iliyolipa kumnasa Dimitar Berbatov akitokea Tottenham Hotspur mwaka 2008.

TOA MAONI YAKO HAPA CHINI